മമ്മൂട്ടി കമ്പനിയുടെ നാലാമത്തെ സിനിമയുടെ പൂജ നടന്നു.
നവാഗതനായ റോബി വർഗീസ് രാജ് സംവിധാനം ചെയ്യുന്ന ചിത്രത്തിലാണ് മമ്മൂട്ടി ഇനി അഭിനയിക്കുക. ജനുവരി ആദ്യ വാരം മുതൽ മമ്മൂട്ടി ഈ സിനിമയുടെ സെറ്റിൽ ജോയിൻ ചെയ്യും.
മമ്മൂട്ടി കമ്പനി നിർമിക്കുന്ന നാലാമത്തെ സിനിമയാണിത്. റോഷാക്ക്, നൻപകൽ നേരത്ത് മയക്കം, കാതൽ എന്നിവയാണ് മമ്മൂട്ടി കമ്പനിയുടെ മറ്റ് സിനിമകൾ. ഈ സിനിമയ്ക്ക് ഇതുവരെ പേരിട്ടിട്ടില്ല.
മുഹമ്മദ് ഷാഫിയുടേതാണ് കഥ. തിരക്കഥയും സംഭാഷണവും റോണി ഡേവിഡ് രാജ്, മുഹമ്മദ് ഷാഫി എന്നിവർ ചേർന്ന്. ഛായാഗ്രഹണം മുഹമ്മദ് റാഹിൽ. സംഗീതം സുഷിൻ ശ്യാം. വിതരണം ദുൽഖർ സൽമാന്റെ വേഫറർ ഫിലിംസ്.
പുതിയ നിയമം, ദി ഗ്രേറ്റ് ഫാദർ, ക്യാപ്റ്റൻ, ലൗ ആക്ഷൻ ഡ്രാമ തുടങ്ങി ഒരുപിടി നല്ല സിനിമകളുടെ ക്യാമറമാനായി വർക്ക് ചെയ്തിട്ടുള്ള ആളാണ് റോബി വർഗീസ് രാജ്.